السلام عليكم ورحمة الله وبركاته 00
حياكم الله 00
أبقولكم بعض سوالف البزران اللي تضحك 00 00 وانشالله تضحكون 00
أول سالفة 00
هذي سالفة بنت عمرها ثلاث سنوات قاعدة تصيح وتقول لأختها
اتصلي على بابا ابكلمه 00 قامت أختها وكلمت على الساعة الناطقة
(عند الإشارة تكون الساعة 000) اسكتت البنت وقالت 00 أبوي يقول
أنا عند الإشارة الحين أجي 00
_________________________
ونفس البنت شرت لها أمها ثوب للعيد 00 وقالو لها هذا ثوب العيد 00
قالت لا هذا ثوبي أنا 00
_________________________
وهذي سالفة ولد عمره خمس سنوات 00 قال لأمه أبي ريال أبشري
بيبسي 00 قالتله امه 00 لاتشرب بيبسي 00 أولاً ضار 00 وثانياً لأنه
من أمريكا 0000 قال الولد 00لا أنا ماني شاري من امريكا أبشري من
البقالة 00
________________________
ولد عمره أربع سنوات شاف ابوه بيسافر قاله وين بتروح00
قال أبوه أبروح أترزق الله00 وبعد يومين فقد ابوه وقعد يصيح يقول لأمة
أتصلي على أترزق الله أبكلم أبوي 00
________________________
وبنت عمرها خمس سنوات 00 اتصلت وحدة على بيتهم تبي زوجة
عمها 00 ردت عليها البنت وقالت لها ان زوجة عمها ببيتهم 00 تبين تعرفين
بيتهم وين 00 اذا جيتي لبيتنا خلي البيت الاول والثاني والثالث والرابع
تلقينه البيت الخامس 00 لونه أبيض 00 وعند بيتهم ولدين صغار 00
مع ان اللي اتصلت ماجت لديرتهم ابد ولا تعرف الديرة 00
______________________
وهذي بنت عمرها خمس سنوات 00 سمعت امها تقول لأبوها
ان الروضة يبون الرسوم 00 قال ابوها خوذي الفلوس وهذا آخر مامعي
الحين 00 يوم راحت البنت للروضة عطت المديرة الفلوس 00 وقالت لها :
خوذو الفلوس 00 أعوذ بالله خلصتو فلوس أبوي 00
_____________________
وأخيراً 00 هذي دايم تحصل للبزران 00 أمي تقول لأخوي عمره ثلاث
سنوات 00 أنت شاطر 00 قالها لا أنا عبدالعزيز 00
______________________
هذا اللي قدرت أحصله الحين 00
وان حصلت على شي ثاني راح أكتبه 00
واللي عنده سالفة من سوالف البزران يقولها هنا 00
الرئيسية
موضوع: سوالف بزران 
الأحد سبتمبر 13, 2009 6:49 pm
